TACLOBAN CITY- Nanawagan an Department of Trade and Indstry o DTI regional office 8, ha mga manufacturers hiton asukar ngan harina dinhe ha lokal, nga dire duruhon an pagpatuman han paghitaas hiton presyo han ira mga produkto.
Sumala kan Aivie Borbon Ancheta, Information Officer han DTI regional office-8, nga makaka-apekto mangud ine ha iba pa nga mga pangunahon nga papliton.
Dugang pa hine nga magkakamayda mangud ine epekto ha iba nga mga proseso sugad hiton paghimo han tinapay matungod nga raw materials mangud ine ngan pangunahon gingagamit paghimo han mga tinapay ngan iba pa nga mga produkto.
Hapagkayana in ginhihingita han mao nga buhatan, kun akos ba liwat nga mag produce hin demand han suplay ha mga indibidwal matungod nga ine an natatabo kun mayda mga paghitaas han demand.
Ginmalatumat han mao nga opisyal, nga mayda gihapon hira deriktiba tikang ha DTI national para han ngatanan nga pamresyunan pananglitan mayda bag-o nga mga ginpapatuman nga paghataas hiton mga produkto, in dayon naman ine nira ginpapahibaro ha mga manufacturers ngan mga establisyemento nga igpatuman an sakto nga mga suggested retail price SRP.
