TACLOBAN CITY – Ginpahayag han Department of Trade and Industry (DTI) Regional Office 8 nga padayon an ira monitoring ha mga establishmento ngan mga tindahan agud nga masiguro nga nagsusunod an mga ini ha ginpapatuman nga suggested retail price (SRP) ha mga prime commodities o panguna nga mga papliton.
Sumala kan Aivi Borbon Ancheta, tagapagyakan han DTI Regional Office 8, ngada han naglabay nga semana ginpagawas an panibag-o nga SRP ha mga panguna nga papliton.
Maabot ha 151 nga mga produkto han mga manufacturers an waray naging pag-gius han ira presyo samtang 67 naman nga mga produkto an nagkaada hin increase ha presyo tungod ha paghitaas gihapon han presyo han mga raw materials nga gingagamit han mga ini.
Kasagaran han mga nagkaada hin price increase amo an mga canned goods, canned sardines, processed milk, kape, noodles, detergent soap, bottled water ngan kandila.
Ginbabana-bana nga tikang 3.29 kutob 10% an paghitaas han presyo han mao nga mga produkto.
