NATIONAL – Nanawagan an Department of Social Welfare and Development ha mga lider han nasud nga proteheran an katungod han kabataan nga Pilipino pinaagi han pagsuporta ha judicial processes nga naka-disenyo para ha pagpapabaton ha balaod han mga perpetrators.
Subay ha ahensya, pira ha mga public figures in daw amu an pasimuno han mga horrific acts imbes nga magin modelo ngan taga-depensa ha mga biktima.
Dugang pa hine, dire hira pwede magbaliwaray ha kaluyo han mga mabug-at nga kaso nga ginbabatak kontra kan KOJC Pastor Apollo Quiboloy.
An ira daw ahensya in mayda mandato nga siguradugon an katalwasan han mga indibidwal nga kaupod ha mga bulnerable nga sektor han gobyerno.
Kaupod ha ira mga gintututukan in an mga alegasyon han human trafficking, sexual exploitation, ngan pan-aabuso ha mga menor de edad.
