TACLOBAN CITY- Guinklaro han Department of Social Welfare and Development (DSWD) Regional Office 8 nga waray kamatuuran an nagkakagawas nga impormasyon nga waray na pondo an Pantawid Pamilya Pilipino Program (4Ps).
Ini in ha kaluyo han ungara han mga benepisaryo han 4Ps nga waray pa makakarawat han maabot ha tulo nga pay-out.
Sumala kan Paula Unay, Regional Program Coordinator han 4Ps nga ira guinpapamulat nga mapirmahan an Memorandum of Agreement (MOA) ha butnga han DSWD 8 ngan Philippine Veterans Bank.
Dugang pa hini nga ira guinhihimo an ngatanan ha pagpanginano han programa tikang ha national hasta ha lokal nga level.
Guinmalatumat naman hini nga nag-alutaga an gobyerno hin pondo para ha 4.4 million nga ihap han mga benepisaryo ha bug-os nga nasud Pilipinas.
