-- Advertisements --
TACLOBAN CITY – Deri maupay an naging resulta han gindumara nga traffic schemes ha siyudad hiton Tacloban, ini in subay ha usa nga konsehal ha siyudad.
Sumala kan Hon. Leo Bahin, City Councilor han Tacloban City, mayda mga ruta nga waray mga pasahero nga naaagian samtang mayda naman mga ruta nga nagdo-doble an mga naagi nga mga transportansyon.
Ginpapag-adman naman han TOMECO ngan City Planning an mao nga schemes agud maging kombenyenti ha mga sumarakay sugadman deri malugi an drivers ngan operators.
Mahinunumduman, damo nga mga pasahero ngan mga drivers/operators an umaraba mahuman an gindumara nga test pilot han traffic schemes ha siyudad dida han bulan hiton Enero.
