-- Advertisements --
TACLOBAN CITY- Arestado an 3 nga suspetsado ha gindumara nga drug buy-bust operation han PDEA VIII-Regional Special Enforcement Team ha Brgy. Barugohay, Norte, Carigara, Leyte.
Ginkilala an mga ine kanda alyas “Pekto” (maintainer), alyas “Pong” (employee) ngan alyas “Paolo” (visitor).
Sumala kan PDEA Eastern Visayas, Information Officer, Rogelette Urgel, maabot ha 8 nga sachet han gintutuohan nga shabu an nakumpiskar han ira mga tinaglawas ha mga suspek, kun diin mayda ine estimated market value nga Php68,340.00, kalakip an mga magkalain-lain nga drug parphernalia.
Ha pagkayana, naatubang an mga suspetsado ha pagtalapas han RA 9165 o Comprehensive Dangerous Drugs Act of 2002.
