-- Advertisements --
TACLOBAN CITY – Usa nga drug den ha Brgy Buntay, Abuyog, Leyte an nabungkag han mga otoridad kun diin tulo nga suspek an naaresto, samtang usa naman an nakaiskapo.
Ginkilala an mga suspek kanda alyas “Kaloy” (maintainer); alyas “Pepe” (employee); alyas “Dan” (visitor); ngan alyas “Loloy” (co-maintainer nga naka-iskapo).
Nakuha ha mga ine an siyam ka-sachet han gin aalegar nga shabu nga mayda kabug-aton nga purluminos 22.2 kagramos ngan mayda market value nga P150,960, ngan magkaduru-dilain nga drug paraphernalias.
Mag-aatubang naman an mga suspek ha kaso nga pagtalapas han RA 9165 o Comprehensive Dangerous Drugs Act of 2002.
