TACLOBAN CITY– Nakatalaan nga bumisita hi DPWH Sec.Vince Dizon ha pira nga mga lugar ha Visayas, agud nga panginanuon adton mga proyekto, partikular na adton mga Maharlika Highway ha Samar ngan Leyte area.
Sumala kan Former Rep. 1st District Samar, Edgar Mary Sarmiento, nga ha maabot nga Pebrero 1, 2026 naka schedule hi Dizon nga bumisita ha Albay-Sorsogon, samtang pag-abot naman hiton Pebrero 2 in nakatalaan naman ine nga bumisita ha Samar-Leyte.
Dugang pa ni Sarmiento, napapanahon an pagbisita ni Dizon, agud nga makita hine an kinahanglan nga materyales, ngan sugadman mapondohan ine ha dagmit nga panahon.
Ginpaangbit pa ni Sarmiento, panuyo gihapon ni Dizon nga panginanuon an ginatatawag nga Eastern Sea Board, ine an pakadto ha Manila ngan pa Mindanao nga dalan.
Mababaruan , nga damo an naaraba na mga motorista ngan mga pasahero, kun nabiyahe an mga ine pakadto ha Samar area, matungod han karsada nga duro karuba ngan posible nga makagkawsa hin kadelikaduhan ngan insidente.
