NATIONAL NEWS– Gin-amin ni Department of Public Works and Highways (DPWH) Secretary Manuel Bonoan nga mayda ghost projects ha pira nga distrito ha Bulacan.
Ha gindumara nga imbestigasyon han Senate Blue Ribbon Committee, ginsabon ni Senate President Pro Tempore Jinggoy Estrada hi Bonoan matungod ha ghost projects ha Calumpit, Malolos, ngan Hagonoy.
An kontratista han mga “ghost” flood control projects ga Bulacan in an Wawao Builders — usa ha 15 nga kontratista nga gin ngaranan ni Pangulong Bongbong Marcos nga nakakuha hin kadam-an nga flood control contracts han gobyerno.
Mababaruan nga ha Bulacan in mayda 85 nga proyekto an Wawao Builders nga nagkakantidad hin 5 billion pesos ngan kabug-usan ngan 9 billion pesos ha bug-os nga nasud.
Ginsigurado naman ni Bonoan nga mapapagbaton an tanan nga dabi ha anomalya kun mapamatud-an an mga ghost flood control projects.
