NATIONAL – Gin dus-og han Department of Transportation (DOTr) an pagbubutang hin multa ha mga motorista nga waray RFID stickers sugad man an mga waray sakto nga load ha mga toll gates.
Sumala kan Transportation Secretary Jaime Bautista, imbes nga ha Agosto 31 in igbabalhin nala nira ine ha maabot ha Oktubre 1.
Dugang pa hine, an pagdudus-og han Joint Memorandum Circular No. 2024-001 in agud magkamay-ada hin mas dako nga oaras an mga tollways nga igpasabot ha mga katawhan nga mga bag-o nga aludayday.
Naglalaum an sekretarya nga ha panibag-o nga 30 kaadlaw nga palugit in magkakamay-ada na hin sakto nga impormasyon an publiko ngan matagan hira hin higayon nga makag-comply.
Nakabutang ha memorandum nga an mga masulod ha tollway nga waray RFID in pagmumultahon hin P1,000 ha first offense; P2,000 ha 2nd offense; ngan P5,000 naman para ha mga masunod nga offense.
Samtang an pag-agi naman hin waray sakto nga load an RFID in magbabayad hin P500 ha syahan nga offense; P1,000 ha 2nd offense; ngan P2,500 naman ha mga masunod nga offenses.
