NATIONAL NEWS- Ginduduso han Department of Tourism (DOT) an pagbug-os hin “Muslim-friendly” nga pamasyadahan ha nasud agud na makag-aghat hin mas damo nga mga muslim nga turista ha masunod nga tuig.
Ha gindumara nga “Muslim-Friendly Travelogue of the Philippines”, ginpahayag ni DOT Secretary Christina Frasco nga panuyo han tourism guide ha local ngan foreign visitors ngan himuon nga inklusibo ngan sakto ha kultura han mga Muslim an ma-eeksperyensyahan han mga ine kun bumisita ha nasud.
Kalakip gihapon dinhi an travelogue an kasaysayan han Islam ha nasud. Halal nga pagkaon, ngan akomodasyon, sugadman an mga pamarasyadahan nga nabaton ha panginahanglan han Muslim.
Kalakip gihapon ha inisyatiba han DOT an pakikigbinuligay ha mga hotel, paluparan, ngan pantalan, agud nga madugangan an mga pasilidad sugad hiton prayer rooms, partikular ha mga tourist rest area ha Sulu ngan Tawi-Tawi.
Subay mangud ha datos han DOT tikang han Enero- Setyembre yana nga tuig, ada ha 27,000 nga mga turista tikang ha United Arab Emirates ngan 16,300 naman an ha Saudi Arabia an bumisita ha Pilipinas.
