TACLOBAN CITY – Ginlalauman na han Department of Tourism (DOT) Regional Office 8 an hinay-hinay nga pagbakdaw han turismo ha Sinirangan Bisayas yana nga ginpailarom na ha alert level 1 status an duha ha pinakadako nga syudad ha rehiyon sugadman an probinsya han Biliran.
Sumala kan Karen Tiopez, Regional Director han DOT Regional Office 8, an pagpapailarom ha alert level 1 status han syudad han Tacloban ngan Ormoc in nangangaruyag signgon han pagpahalawig hna travel market ngan domestic tourism ha rehiyon.
Labot pa hini, tinikangan yana nga Abril 1, in tutugutan na nga makasulod ha rehiyon ngan ha bug-os nga nasud an mga foreign tourists ngan balikbayan bisan kun dire an mga ini bakunado kontra COVID-19 basta la makapagpresentar hin negative result han antigen test.’
Pinaagi hini in magtitikadamo gihapon an mga turista nga makakasulod ha rehiyon nga dako nga bulig ha pagbakdaw han industriya han turismo.
Ha kaluyo hini, in nagpahinumdom naman an mao nga opisyal ha publiko nga nagpapabilin la gihapon an COVID-19 pandemic sanglit kinahanglan nga magsunod la gihapon han mga minimum health standards o protocols kontra ha virus.
