TACLOBAN CITY – Ginsisiguro han Department of Labor and Employment (DOLE) nga magpapadayon la gihapon an ira paghatag hin bulig ha tanan nga mga mananarabaho nga apektado han COVID-19 pandemic.
Sumala kan Yahya Centi, Regional Director han DOLE 8, ha pagkayana in ginpapamulat pa nira an approval han Bayanihan 2 kun diin maabot ha 17 billion pesos an ira gin-aaro nga allotment para han ira ig-iimplementar nga mga programa.
Kun maaprubahan na han Kongreso ngan mapirmahan ni Presidente Duterte an Bayanahin 2 in magpaparupadayon na an ayuda han DOLE ha mga formal and informal workers.
Gintututukan han DOLE an continuing program hini kun patiunan-o mabubuligan an mga mananarabaho ha masunod nga unom kabulan o usa katuig.
Kalakip gihapon ha ginpropropose na programa han DOLE an paghatag hin wage subsidy for workers.
Nahibaruan nga ha bug-os nga Sinirangan Bisayas in ginbabana-bana nga maabot ha 120,000 nga mananarabaho an apektado han COVID-19 pandemic.
