Gintagan pagklaro han Department of Justice nga waray ine gintudlok nga katapusan nga adlaw o ‘deadline’ para ha mga karuyag magbalik hin kinawat nga karikuhan tikang ha maanomaliya nga flood control projcts.
Ine mismo an ginpahayag han buhatan pinaagi kan Justice Spokesperson Atty. Polo Martinez kun diin ginmalatumat hine nga waray sugad nga mando ha nasabi nga kaso.
Dugang pa hine, dire magtutudlok hin petsa o panahon ha pagbalik ha salapi an Department of Justice ha mga nadadabi nga indibidwal ha kontrobersyal nga flood control project.
Duon pa han tagapagyakan han buhatan, an nasabi nga buhat in boluntaryo o kusang-loob nga iginpapakita ngan ginbubuhat han mga karuyag makigbinuligay ha gobyerno ha pagresolba han kaso.
Maduon naman hine nga ginklaro nga an ‘restitution’ o pagbabalik han salapi nga nakuha tikang ha anomaliya in dire nangangaruyag-sidngon nga otomatiko nga mahisusulod ha Witness Protection Program.
Sanglit dire daw pwede magtudlok hin deadline an buhatan kasumpay ha plano o boluntaryo nga pagbabalik han salapi ha mga ine.
Ha presente, umabot na ha P316 milyon an kabug-usan nga kantidad han mga iginbalik nga salapi tikang ha maanomaliya nga mga proyekto.
