NATIONAL – Nakikipagsumpayan an Department of Justice (DOJ) ha mga otoridad tikang ha mga nasud nga gintotoohan nga gintataguan ni Dalia Guerrero Pastor.
Hi Dalia an ginsisiring nga usa ha mga mastermind ha pagpatay han iya asawa nga race car champion nga hi Ferdinand “Enzo” Pastor.
Sumala kan Justice Secretary Jesus Crispin “Boying” C. Remulla, basar ha nakuha nira nga impormasyon possible nga aada ha Indonesia o Malaysia hi Dalia nagtatago.
Una nga ginbaliktad han Supreme Court (SC) an desisyon han Court of Appeals (CA) nga igbasura an kaso nga parricide kontra kan Dalia.
Nahidabi naman ha kaso hira Police Officer II Edgar Angel, kumo gunman, samtang gin-aalegar nga mastermind hira Domingo De Guzman III ngan Dalia.
Usa ha mga kabulig han asawa nga hi Enzo ngan Dalia an tumestigo ngan nagsiring nga may relasyon hi De Guzman ngan Dalia.
