NATIONAL – Gin aghat ni Justice Secretary Jesus Crispin Remulla nga magpakita na an iba pa nga biktima han human trafficking, ira pamilya, ngan mga membro han Kingdom of Jesus Christ.
Ine in mahuman nga masalbar han Philippine National Police dida han weekend an duha nga daw biktima han human trafficking tikang ha compound han nasabi nga sekta nga usa nga 21-anyos nga lalaki tikang ha Samar province ngan usa nga babaye tikang ha bungto han Midsayap ha probinsya han Cotabato.
Ha usa nga pahayag, gindayaw ni Sec. Remulla an PNP ha ira pagsalbar ha mga biktima ngan ginsigurado ha mga ine ngan ha ira pamilya nga babantayan han Department of Justice an ira katalwasan.
Ha presente in gini-evaluate na han mga tinaglawas han Department of Social Welfare and Development an suspected trafficking victims.
Nanawagan gihapon an sekretarya para ha mas mahugot pa nga kolaborasyon ha butngan han DOJ, PNP, DSWD ngan Inter-Agency Council Against Trafficking agud masigurado an madig-on nga kaso kontra ha mga hulga han human trafficking.
