NATIONAL – Kinahanglan mapagbaton an mga opisyal han Department of Health nga dabi ha pagpalit han milyon-milyon nga kantidad han psychiatric medications.
Sumala kan Alliance of Health Workers Sec. General Cristy Donguines, sobra P44 milyon nga kantidad han medisina nga harani na nga mag-expre an ginpalit han DOH.
Pero ginklaro ni Donguines nga waray naman hini sugad nga request an National Center for Mental Health.
Nahipapausa an grupo kun tipaunan-o natutulon han mga opisyales han DOH an gumasto hin milyon-milyon ka pesos ha diri kinahanglanon nga mga medisina imbes nga batunon an maiha na nga atraso nira ha mga health workers.
Gindara na han alyansa an mao nga isyu ha Ombudsman ngan nagpasaka hin reklamo kontra kan Health Sec. Ted Herbosa ngan iba pa nga mga opisyales.
Dugang pa ni Donguines nga maiha na hira nga pauro-utro nga nagpapadara hin surat ha DOH para makig-istorya ha mga opisyales hini pero waray pa hira nakakarawat nga baton.
