Mahugot nga ginbabantayan hin Department of Health (DOH) an presyo han mga medisina kasunod han nagpapadayon nga oil crisis, subay ha ahensya dida han Biyernes, Marso 27.
Sumala kan DOH spokesperson at Undersecretary Albert Domingo, padayon an ira monitoring samtang nagdudumara gihapon hin iba pa nga pitad sugad han inventory checks ngan contingency planning, partikular ha mga hospital han DOH, agud masigurado nga dire madedelatar an suplay han medisina ngan medical supplies.
Nauna na nga ginpahayag han DOH nga padayon hini nga ginbabantayan an presyo han mga medisina ngan mga gamit hini mahuman magpahimatngon an usa nga ekonomista nga posible maapektaran han inflation an sektor han panlawas resulta han krisis ha Middle East.
Dugang pa ni Domingo, kinahanglan siguraduhon han PhilHealth nga makakadungan ini ha ginlalauman nga paghitaas han demand ha serbisyo nga panlawas.
Samtang, gin aghat hini an publiko nga intidihon an breakdown o “unbundling” han sukot ha mga pribado ospital, labi na ha butnga han paghitaas han presyo mahitungod ha inflation.
Dugang pa hini, mas naiintidihan han publiko an paghitaas han sukot kun klaro an breakdown hini, ngan posible gihapon bumulig an DOH pinaagi han Zero Balance Billing ngan an PhilHealth pinaagi han sakto nga benepisyo.
