NATIONAL – Iginpahayag han Department of Health (DOH) nga padayon nga nahitaas an ihap han kaso han dengue ha nasud nga gintutudlok nga seryoso nga tarhog ha panlawas han publiko.
Basar ha datos han ahensya, tikang Enero kutob Hunyo 2025, sumaka na ha 23,000 an kaso han dengue, mas hitaas hin 59% kompara ha kapareho nga panahon han naglabay nga tuig, kun diin ha nasabi nga ihap, 470 na an nahipatik nga namatay.
Pinakahitaas an ihap han kaso ha CALABARZON nga mayda 19,500 nga kaso ngan 62 an tumalikod na ha kadayunan.
Sumala kan Health Secretary Teodoro Herbosa, diri mapupungan an paghitaas han kaso han dengue kutob diri nabubungkag an mga lugar kun diin nagbobonay an mga lamok.
Kasumpay hini, gin-aandman han DOH an paggamit han Wolbachia method, usa nga bag-o nga pamaagi tikang ha Jakarta, Indonesia nga nagamit hin bacteria agud pugngan an pagdamo han lamok nga mayda dara nga dengue.
