METRO MANILA – Gin-anunsiyo han Department of Social Welfare and Development (DSWD) nga ighahatag an distribusyon han fuel subsidy ha mga benepisyaro, ha pamamaagi han e-wallet transfers.
Ine in mahuman an insidente ha Quezon City, diin usa nga driver an namatay samtang ginbubuhat an payout.
Subay kan DSWD Secretary Rex Gatchalian, pagbubuhaton an distribusyon para ha mga masunod nga payouts ngan irerekta na ha mga e-wallet han mga transport network vehicle service (TNVS) ngan motorcycle taxi riders, nga lakip ha listahan han mga otorisado nga makakawarat han subsidiya.
Samtang, ginklaro naman ni Gatchalian nga an benepisyaryo in basar ha listahan nga ginsumite han Land Transportation Franchising and Regulatory Board (LTFRB).
Personal naman nga nakiramay an opisyal ha pamilya han rider, ngan nagpaabot hin bulig ha pamamaagi han medical ngan burial assistance, ngan iba pa nga panginahanglan han pamilya hine.
