TACLOBAN CITY – Usa nga disgrasya ha kadalanan an nahipatik ha may Brgy. San Isidro Sta. Fe, Leyte dida han nakalabay nga adlaw nga gin kadabihan han usa nga magturutdo ngan health worker.
Gin kilala an nagmamaneho han Honda PCX kan Teodora Asis, 35-anyos an pangidaron, usa nga public school teacher, samtang an nagmamaneho naman han Wigo in gin kilala kan Rufino, 32-anyos, health physicist, ngan parehas residente han Tacloban City.
Sumala kan Sta. Fe Municipal Police Station Officer-in-Charge PLt. Glenn Chavero, tikang ha Tacloban tikadto ha Sta. Fe hi Teodora samtang, tikang naman ha Sta. Fe tikadto ha Tacloban hi Rufino.
Basar han impormasyon, pag-abot ha lugar han insidente in nag-over take hi Rufino ha usa nga 10-wheeler truck kun diin nasagi hine hi Teodora nga nagresulta naman han katumba hine.
Nag-angkon naman ine hin mga minor injuries ngan gin dara ine ha Rural Health Unit han Sta. Fe para tambalon.
Samtang, nagkasabot naman an duha nga partido nga dire nala magpasaka hin reklamo pero babatunon ni Rufino an bayad han pagtambal ni Teodora ngan sugadman an pagpa-ayad han motor hine.
