Nanawagan hi anay governor Luis “Chavit” Singson ha publiko nga dire na magdumara han mga rally mahitungod nga bangin mayda magsamok, lugod in igpaumaya nala ha kabataan an pakigbisog para ha pagbabag-o han gobyerno.
Ha iya pahayag, gintagan-duon ni Singson nga an mga kabataan an may kusog ngan kaisog agud manguna ha rebolusyon kontra ha korapsyon.
Sumala pa hine, kinahanglan anay umundang ha pag-iskuyla an mga ada ha high school ngan college samtang dire natatanggal an mga korap nga opisyal ha gobyerno.
Daw mas importante ha presente an aktibo nga pakikiusa han kabataan ha mga isyu nga pankumunidad kumpara ha pag-aram ha sulod han iskuylahan.
An pahayag ni Singson in nakakuha hin magkaduru-dilain nga reaksyon tikang ha mga sektor han edukasyon, kabataan, ngan civil society.
Piraa nga grupo hin magturutdo ngan istudyante an nagpahayag hin pagkabaraka, ngan ginmalatumat nga dire dapat igsakripisyo an edukasyon ha butnga han panawagan para ha reporma.
