Personal nga bumisita hi Department of Interior and Local Government Secretary Jonvic Remulla ha Department of Justice kakulop nga adlaw, Oktubre 3, agud paghingadayan an pormal nga pagbalhin o transitioning han Bureau of Jail Management and Penology ha Bureau of Corrections.
Sumala ha sekretarya, panuyo nira nga mapag-usa an duha nga ginlalauman naman nga matutuman ha masunod nga tuig-2026.
Dugang pa hine, makakabulig an ‘transitioning’ agud himuon o mapag-usa an records han mga Persons Deprived of Liberty o PDLs nga mayda kaso nga nga ginkakaatubang.
Samtang, ha interview nga kaupod an sekretarya, ginkumpirma hine nga nakakarawat an buhatan hin mga ‘report’ tikang ha mga Local Government Units.
Kasumpay daw ine ha maanomaliya nga mga proyekto kun diin nahipatik an mga nadiskubrehan nga mga ‘substandard’ ngan ‘ghost projects’ ha ira kada tagsa lugar.
