Nanawagan an Digital Pinoys sa Baguio City Government ngan mga hintutuinan nga ahensya han gobyerno nga dayon imbestigaghan an nahipatik nga ransomware attack ha BUILDPass system han syudad nga nakaapekto ha ginbabana-bana 2.9 gigabytes han data.
Ha eksklusibo nga pakighimangraw han Star FM Cebu kan Digital Pinoys National Campaigner Ronald Gustilo, ginmalatumat niya nga importante nga matudlok dayun kun patiunan-o nahitabo an cyberattack, gaano kahiluag an nagin breach, ngan kun mayda personal nga impormasyon nga nakompromiso.
Gin aghat ni Gustilo an lokal nga pangobyernuhan nga makigsumpayan ha National Privacy Commission ngan Cybercrime Investigation and Coordinating Center para ha mahugot nga panginano han mga apektado nga sistema.
Importantew daw nga matudlok an kahiluag han insidente agud mahibaruan kun hira hin-o an posible nga naapektaran ngan kun ano nga mga pitad an kinahanglan himuon agud maproteheran an ira impormasyon.
“Dapat imbestigahan agad ng pamahalaan lalo na posibleng may mga personal na impormasyong nakompromiso dahil sa naturang ransomware attack,” sumala pa hini.
Gintagan-duon han Digital Pinoys nga kinahanglan gamiton an resultaa han imbestigasyon agud matudlok an mga kaluyahan ha sistema ngan mapakusog an cybersecurity han lokal nga pangobyernuhan.
Panuyo hini nga masigurdo nga dire na mauutro an kaparehas nga ransomware attack ngan mas maproteheran an personal nga impormasyon han publiko ha mga masunod nga panahon.
“Panawagan sa Baguio City gov’t na i-subject po sa investigation yung mga apektadong systems to determine the breach, gaano kalawak yung impormasyon na nakompromiso nang sa ganun ay matulungan din ang lokal na pamahalaan na maiwasan ding mangyari itong muli sa mga susunod na panahon” dugang ni Gustilo.
