-- Advertisements --
NATIONAL : Nanawagan an Digital Pinoys hin imbestigasyon ha daw dire awtorisado nga pag-access ngan pagkuha han mga dokumento tikang ha DPWH.
Subay ha Digital Pinoys National Campaigner Ronald Gustilo, an report kasumpay ha pagkopya ngan pagtangal han mga file ni Rep. Leandro Leviste tikang ha opisina ni anay Undersecretary Catalina Cabral in nakakabaraka.
Ginmalatumat hine an mga file han gobyerno nga may klarado nga sistema han kustodiya ngan baratunon nga dire angay palangpuson.
Dugang pa hine, kun nakompromiso an pamaagi han pagkuha han ebidensya, posible mawarayan hin kapas an legal nga proseso.
