NATIONAL – Nagpahimatngon an Department of Information and Communications Technology (DICT) ha publiko kasumpay ha ginlalauman nga haluag nga “traffic flood” o Distributed Denial of Service (DDoS) attack ha internet ha maabot nga Nobyembre 5, usa nga klase hin cyber assault nga posible magdurot hin makusog nga pagka-delatar ha pag-access han mga website ngan apps.
Igin parehas ine han DICT ha usa nga grabi nga traffic jam ha internet: dudrungan nga ginpuprubaran nga sudlon han mga hacker an usa nga website o application, nga nagreresulta ha paghinay han serbisyo o dire dayun maabrihan nga site/app—nga baga-baga hin gintutuyo nga igsarado an mga passage ha mga lehitimo nga gumaramit.
Bisan man kun gin klaro han DICT nga waray persona nga account, datos, o kwarta an makakawat ha sugad nga sitwasyon, dire maididiwara an epekto hine ha mga negosyo, serbisyo, ngan pan-adlaw-adlaw nga online nga trabahuon han publiko.
Gin sigurado gihapon han DICT nga mahugot nga ginmo-monitor an sitwasyon ngan nakaandam an mga kaangayan nga pitad agud mapugngan an mas haluag nga epekto han cyber attack.
