-- Advertisements --
NATIONAL – Utro nga nagpahimatngon an Department of Information and Communications Technology ha publiko nga mag-ikmat ha mga nagsasarang nga love scams yana nga holiday season.
Subay han ahensya, uso na naman an love scams nga target manbiktima hin mga tawo nga gin hahagot, labi na nga harani na iton kapaskohan.
Sumala kan DICT Assistant Secretary Aboy Paraiso, kaurugan ha mga nabibiktima han scammers in an mga single nga nagbibiling hin padis o uyab ha online.
Mahitungod hini, gin aaghat han ahensya an publiko nga mag-ikmat agud diri mabiktima hin sugad nga modus ngan magreport ha mga otoridad kun mabiktima hini agud matagan hin aksyon.
