NATIONAL NEWS– Bumulig na an Department of Information and Communication Technology, para ha containment ha natabo nga data breach ha sistema han Philippine National Police.
Ginpahibaro han DICT nga hapagkayana, nagpapadayon la gihapon an ira ginhihimo nga pag-analisa ngan containment procedures kasumpay ha natabo nga data breach.
Kasumpay hine, nakakita an mga ine hin malicious accounts nga posible nga naghimo ngan nag trace hin malware o bisan anu nga script nga posible nga gingamit para ha privileged escalation.
Subay ha inisyal nga pag-analisa han DICT, nagawas nga posible lahos ha usa kabulan na an nakakalabay tikang han magdumara hin cyber attack ha sistema han PNP kun diin kalakip ha ira nasulod in an Logistics Data Information Management System han PNP ngan official repository of data han Police equipment ngan physical assets han kapulisan.
