Gin aghat ni Senator Jinggoy Ejercito Estrada an Department of Foreign Affairs (DFA) nga magpasaka hin diplomatic protest kontra ha padayon nga presensya ngan mga aksyon han China ha West Philippine Sea, kadungan han nagtitikaduro nga kasamok ha Middle East.
Duon ni Estrada, dire angay singabuton han China an atensyon han kalibutan nga nakatutok ha krisis ha Middle East agud pahaluagon an presensya hini ha gin aagawan nga teritoryo. Dugang pa, nakataya dinhi dire la an soberanya han Pilipinas kundi magin an seguridad ha enerhiya han nasud.
Iginduon gihapon han senador nga klaro an katungod han Pilipinas ha WPS subay ha desisyon han arbitral tribunal ngan ha ilarom han United Nations Convention on the Law of the Sea (UNCLOS).
Mahitungod hini, kinahanglan nga magpabilin nga madig-on an nasud ha pagdepensa han teritoryo ngan mga yaman-dagat hini.
Kadungan hini, nanawagan hi Estrada ha Armed Forces of the Philippines nga pakusgon pa an maritime patrols ha lugar.
Ha butnga han isyu, nahipatik gihapon an paghitaas han presensya han mga chinese vessels ha WPS samtang nagpapadayon an istoryahon han Manila ngan Beijing ha posible nga joint exploration.
