NATIONAL NEWS– Presente nga ginbeberipika na han Department of Foreign Affairs (DFA) an report kasumpay ha Pilipino nga namatay ha daw Ukraine nga gin-recruit para makipag-asdangan kaupod an Russian forces.
Subay ha report natudlok nga an Pilipino nga gin-recruit han Russia in hi John Patrick.
Naghag-id ine ha sulod hiton usa kasemana ugsa igdeploy ha usa nga assault mission harani ha Novoselivka village ha Kramatorsk district.
Nahireport nga ginbawian ine hiton kinabuhi mahuman makag-angkon hin kasamdan ha iya lawas.
Nabilin naman an armas bala ngan papel nga mayda nakasurat nga unit number, phone number ngan ngaran han iya commander.
Sumala kan Foreign Affairs spokesperson Angelica Escalona, ira na ginkokompirma an impormasyon ngan dayon han mga ine igpapahibaro pananglitan mapberipika an nasabi nga impormasyon.
Ha pagkayana, waray pa pahayag an kampo han Embahada han Russia ha Manila kasumpay ha nasabi nga report.
