Nahipatik han Department of Education (DepEd) an malinangpuson nga pag-iban ha paperworks han mga magturutdo ha bug-os nga nasud.
Sumala kan Education Secretary Sonny Angara, umabot ha 57% an naibanan ha paperworks han mga magturutdo o mga buruhaton nga natudlok ha pagproseso han mga dokumento, office works, ngan iba pa nga kaparehas nga buruhaton.
Pinaagi hini, mas nakakagpokus an mga magturutdo ha ira pagtutdo ha mga istudyante.
Sumala pa kan Angara, padayon an pag-hire han DepEd ha mga non-teaching personnel para hira na an sumalo ha paperworks.
Kaupod dinhi an maabot ha 5,000 nga Administrative Officers ngan Project Development Officers nga mamanduhan paghimo han mga non-teaching works nga maiha na nga ginpo-problema han mga magturutdo.
Sumala pa kan Angara, target han DepEd nga proteheran an teaching time ngan pabay-an nala an mga magturutdo nga magtutdo ha mga iskuylahan imbes nga ginkakaon an oras ha paperworks.
Kaparte ini han reporma han DepEd, samtang ginpapaupay ngan ginpo-proteheran an seguridad han mga magturutdo.
