NATIONAL NEWS– Ginpakusog pa han Department of Education (DEPED) an pagkontra ha bullying ha kada eskwelahan.
Kasunod ine ha pagpirma ni DepEd Secretary Sonny Angara han revised Implementing Rules and Regulation (IRR) han Anti-Bullying Act of 2013.
Subay ha kalihim nga waray lugar an bullying ha mga eskwelahan matungod ine in lugar kun diin kinahanglan mahibaro an mga kabataan hin sakto nga disiplina.
Subay ha revised IRR ha tanan nga mga public ngan private schools kalakip na an mga community learning centers ngan eskwelahan ha iba nga nasud nga ada ha ilarom han DepEd in kinahanglan nga igpatuman an Standard Anti-Bullying Policy.
An mga polisiya in ginkakalakipan han school-wide prevention programs, early intervention efforts ngan klarado nga sistema ha pagbaton hiton mga reklamo.
