TACLOBAN CITY – Nagpahayag hin pagkasubo an buhatan hiton DepEd Leyte Division, kasumpay ha natabo nga pagpapasara han usa nga eskwelahan ha Brgy. Maghubas Burauen Leyte.
Sumala kan Karren Barril Information Officer han DepEd Leyte Division, nga dayon nakipagsumpayan an ira ahensya ha mga otoridad, sugad han Philippine National Police ngan han District Supervisor hiton Burauen nga makaaro hin bulig tikang ha Local Government Unit nga masolbar ine nga isyu.
Una hine, nagsarang ha social media an pagpapasara han mga nga ekwelahan, rason nga waray makasulod an mga estudyante matungod nga mayda na ine naka-paskil nga “No Tresspassing”.
Mababaruan nga an gintitindugan nga tuna han mao nga eskwelahan in gintatag-iyahan nira Mr. Peridrino Pacala Sr. ngan Rebeca Pacala ngan han kabugtuan hine.
Dayon naman nga nakipaghimangraw an mao nga buhatan ha mga tag-ada han tuna kun diin nakatukod an mao nga eskwelahan, ngan nagresulta naman an ira pakikipaghimangraw hin maupay.
Ha pagkayana in nagpadayon na an klase ha mao nga eskwlehan.
Samtang padayon la gihapon an imbestigasyon han DepEd Leyte Division, ha mao nga problema ngan an prayoridad han ira buhatan in an kaupay para ha mga estudyante ilabi na yana nga nagtikang na an limited face to face classes.
