TACLOBAN CITY — Ginklaro han Department of Education (DepEd) nga magkakamay-ada la gihapon hin martsa an mga studyante ha elementarya nga maghuhuman hin Grade 6 yana nga school year.
Ini in kasunod han pagkawurok nga naidurot han usa nga DepEd memorandum kun diin an mga Grade 12 students la nga mag ma-martsa ngan makakarawat hin diploma
Sumala kan Nilo Eder, tagapagyakan han DepEd City Division, nga dayon la gihapon an graduation han mga Grade 6 pero an mga kakarawaton hini in diri na diploma kundi usa nga certificate nga human na hira han 6 ka tuig ha elementarya ngan andam na sumulod ha K-12 program.
Mababaruan nga subay ha ginpagawas nga memo ni Education Sec. Leonor Briones nakabutang nga waray na graduation kundi moving up ceremonies an mga ada ha kindergarten, Grade 6 ngan Grade 10 tungod an mga ini in ada ha ilarom han daan nga basic education system.
Tungod hini, nagpagawas hin panibago nga memo an DepEd nga naghahatag hin pgklaro ha mao nga issue.
