METRO MANILA – Ginmanduhan han Department of Education (DepEd) an ngatanan nga pampubliko nga eskwelahan nga magbuhat hin mas simple ngan dire magastos nga graduation ngan moving-up ceremonies para ha School Year 2025–2026, kumo baton ha nagtitika-hitaas nga gastuson ha transportasyon ngan presyo han mga papliton.
Ha ilarom han DepEd Memorandum No. 015, s. 2026, ginpapagbawal an anuman nga koleksyon hiton fees o kontribusyon tikang ha mga estudyante para ha end-of-school-year rites.
Subay kan Education Secretary Sonny Angara, panuyuan hini nga mapagaan an pasanon han mga pamilya.
Ginmando gihapon nga likayan an magastos nga venues ngan himuon nga inklusibo an mga seremonyas, samtang pwede gamiton an school MOE para ha gastos.
Ginbabana-bana nga maabot 1.9 milyon nga Grade 6 ngan 1.8 milyon nga Grade 12 learners iton ma-gradwar yana nga tuig, ngan nakatalaaan an mga seremonyas ha Marso 30 o 31, yana nga tuig.
