NATIONAL – Aprubado na han Department of Education (DepEd) an umento ha sweldo ha mga private school teachers ha ilarom han Teacher’s Salary Subsidy (TSS) nga tikang ha P18,000 in hihimuon na ine nga P24,000 tinikangan yana nga school year 2025-2026.
Ine in subay la gihapon ha nagin direktiba ni Presidente Ferdinand Marcos Jr. ha iya ikaupat nga SONA nga mas maupay nga kalidad ngan hataas nga lebel hin edukasyon ha nasud.
Sumala kan Education Secretary Sonny Angara, nakikita ha yana an panginahanglan nga igparehas ha public school teachers an compensation nga nakakarawat han mga private school proctors para ha mas de-kalidad nga panutduan.
Samtang, an TSS naman in usa la ha mga component ha ilarom han Government Assistance to Students and Teachers in Private Education (GASTPE) program nga nasuporta ha mga full-time licenses teachers nga empleyado han mga pribado nga iskuylahan kaupod ha Education Service Contracting (ESC) scheme ha sulod han tulo kaoras kada semana.
An nasabi nga inisyatibo han DepEd in nagpapakita la gihapon han ira commitment nga pakusgon an ira suporta ha private education stakeholders.
