TACLOBAN CITY – Papakusgon han Department of Education (DepEd) an Project STARS o an Strategic Techniques for Accelerating Readiness Skills yana nga tuig agud mapaupay an functional literacy ha rehiyon han Sinirangan Bisayas.
Subay kan Gertudis Mabutin Head, Curriculum and Learning Management Division, DepEd 8, panuyo han proyekto nga mas pahuruhuguton pa an hibaro ha pagbasa ngan matematika tikang ha kindergarten.
Basar ha datos han Philippine Statistics Authority (PSA), unom ha napulo nga mga residente han Sinirangan Bisayas in functional literate.
Nangunguna an Leyte ha rehiyon nga may-ada 67.9 functional literacy rate, samtang pinakahamubo naman an Northern Samar nga may-ada 51.8%.
Kaupod gihapon ha plano han DepEd an mas pahuruhuguton an training tikang kindergarten kutob Grade 6, pagpapahaluag han school feeding program, ngan pagpapakusog han Alternative Learning System (ALS)
Subay pa ha PSA, mas hitaas an basic literacy rate han mga kababayen-an nga may-ada 87.3% kompara ha mga kalalakin-an nga may-ada 83.1% .
Ginmalatumat pa hine, nga subay ha edad in nahipatik an pinakahitaas nga basic literacy rate ha mga indibidwal nga nage-edad 20 -24 years old, samtang an pinakahamubo naman in nage-edad hin 60-anyos paigbaw.
