TACLOBAN CITY – Ginsisiguro han Department of Education (DEPED) Regional Office 8 nga matutuman han tanan nga mga eskwelahan ha rehiyon nga masunod an direktiba han central nga office nga pag-abot han Nobyembre 2 in naka-transition na an tanan ha 5 days in-person classes.
Sumala kan Jasmin Francisco Calzita, tagapagyakan han DEPED Regional Office 8, ha pagkayana in padayon an ira pangandaman para han pagtitikang han calendar of activities para ha School Year 2022-2023 kun diin yana nga Hulyo 25 an start han enrollment period ngan an Brigada Eskwela naman in magtitikang yana nga Agusto 1 sugadman Oplan Balik Eskwela ha Agusto 15.
Dugang pa hini nga maabot ha 203 school days an School Year 2022-2023 nga magtitikang ha Agusto 22 ngan magtatapos ha Hulyo 7, 2023.
Ginsisiguro naman han DEPED nga tanan han mga eskwelahan ha rehiyon, mapa-pribado man o pampubliko, in makakag-implementar na han face to face classes ha Nobyembre 2 basar ha kamanduan ngan direktiba han DEPED central office.
Magkakaada naman hin panibag-o nga guidelines nga igpapagawas han DEPED para han implementasyon han mao nga five days in person classes ha Nobyembre 2.
