TACLOBAN CITY– Ginpahimatngunan hiton Departmetnt of Health Eastern Visayas an publiko, partikular na yana nga Dengue Awareness Month.
Sumala kan Jelyn Lopez-Maligabo, Information Officer han Departmetnt of Health Eastern Visayas, nga igpadayon an pagigin malimpyo han kalibungan ngan dire mag-stock hin mga dire gingagamit nga tubig nga posible bonayan han mga lamok.
Ginpaangbit naman han mao nga opisyal, nga pananglitan maka-abat na hin sintomas hiton dengue, in tikangan na nga mag-ininom hin tubig agud nga magin hydrated an usa nga indibidwal nga mayda dengue fever.
Ginmalatumat naman hine nga hapagkayana mayda na naherecord han ira buhatan nga 6 nga mga namatay matungod han dengue nga kaso dinhe ha rehiyon.
Mababaruan nga tikang han Enero kutob yana nga bulan ada na ha sobra 2k iton ihap han mga nahihipatik nga nagkasakit hiton dengue.
