Ginpahimatngon ni Secretary Leonor Briones nga dako an iya pasalamat ha mga LGUs nga padayon nga nasuporta ha mga programa han DepEd.
Ini mahitungod nga ginpupun-an han mga LGUs an kakulangan han DepEd hin pondo may paghisumpay ha mga programa ha paugnat hin kusog.
Gintagan hin duon han DepEd Secretary nga tim-us an iya pasalamat ha mga mayors, gobernador ngan mga congressman ha ira suporta ha iba iba nga mga athletic competitions nga primero nga rason han pagigin malinampuson hini.
(Voice of Department of Education Secretary Leonor Briones)
Naglalaum naman hi Briones nga dako an magigin tsansa han mga atleta ha Sinirangan Bisayas nga makakab-ot hin medalya ha tiraabot nga palarong pambansa nga pagbubuhatan ha Ilocos Norte.
Sugad man naglalaum naman hi Briones nga makaapi an mga atleta ha pilipinas ha mas damo pa nga International nga mga Kompetisyon.
