TACLOBAN CITY – Kinahanglan daw nga respetuhon an denuclearization han North Korea mahuman nga nagpirmahay hin kasarabutan ha butnga han Stados Unidos.
Sumala kan Joshua Sagdullas han Bayan Sinirangan nga angay nga kilal-on kun ano man an pamaagi han pagdepensa han North Korea ha kaluyo han pagiging makusog hini nga nasud.
Dugang pa ni Sagdullas nga kinahanglan la guihapon nga maging mabinantayon an North Korea ha kaluyo han denuclearization nga posible nga may utro nga makatugbang nga nasud ha kaluyo han pagiging gamhanan hini.
May kalabutan hini, nagtutuo naman an usa nga historian han Leyte Normal University (LNU) ha Sinirangan Bisayas nga hi Dr. Clemel Montallana nga makikit-an ha pan-gios ni Kim Jong- Un an pagiging seryoso hini ha guinbuhat nga pakipagharampang kan Trump.
Mababaruan nga bug-os an pagtuo ni US President Donald Trump nga masunod hi North Korean leader Kim Jong-un ha ira napagkasarabutan nga denuclearization ha Korean Peninsula, nga senyales daw han pagbag-o han relasyon han duha nga nasud.
