-- Advertisements --
TACLOBAN CITY — Humitaas pa ha 71% an kaso han Dengue ha Sinirangan Bisayas kun igkumkumpara han nakalabay nga tuig.
Sumala kan Jelyn Lopez-Malibago, tagapagyakan han Department of Health (DOH) Regional Office 8, maabot ha 243 nga ihap an naitala yana nga tuig kumpara ha 142 cases han nakalabay nga tuig.
Ha nasabi nga 243 recorded case, an 130 dinhi in tikang ha Leyte, 30 ha Southern Leyte, 30 ha Samar, 27 ha Eastern Samar, 15 ha Northern Samar ngan 9 ha Biliran.
Mayda naman naitala nga namatay yana nga tuig tungod han dengue, an mga ini
nagtikang ha Leyte ngan Samar.
Tikang ngadaw ha period han Enero 1 tubtob Marso 5 yana nga tuig, an 243 nga ihap in humitaas ha 71% kumpara han nakalabay nga tuig nga data ha magkapareho nga data.
