NATIONAL – Gin kumpirma han Department of Health an posible nga paghamubo han mga nahipapatik nga kaso han nagkakasakit hin dengue yana nga padayon an paghinitaas han heat index ha nasud.
Subay ha buhatan, mas naiibanan daw an mga nababayaan nga tubig ha kalibungan mahitungod nga nagmamara ine, nga nagigin rason ha paggutiay han mga lamok.
Ginmalatumat mismo ni Department of Health Assistant Secretary Albert Domingo nga posible lumaprak an ihap han kaso han dengue yana nga guti nala an pwede pamunayan han mga lamok.
Pero maduon naman hine nga gin abisuhan an publuko nga dire la gihapon magpakampante ha hulga han nasabi nga sakit nga danay in nagdudurot pa hin pagkamatay han pipira.
Samtang, gin malatumat gihapon hine nga ha kaluyo han mapaso ngan nakakamara nga panahon, in dire malilikayan nga mag-imbak an mga katawhan hine tubig.
