-- Advertisements --
TACLOBAN CITY- Purluminos P392, 075 an nakuha nga salapi ha usa nga delivery company, nga nagtraransak hiton mga order online nga nahihimutang ha Mahaplag Leyte.
Sumala kan PCPT. Anthony-Re Amora, Chief of Police, Mahaplag Municipal Police Station, labot la han salapi, nakuha gihapon han mga kawatan, an usa nga parcel nga may sulod nga cellular phone nga nagkakantidad naman hin P18, 599.
Dugang pa hine, ginsingabot ine hiton mga kawatan matungod nga dire pa naibabalik an normal nga suplay hiton kuryente ha nasabi nga lugar matungod na gihapon han nakalabay nga bagyo.
Ha pagkayana mayda na hira mga person of interest ngan padayon pa an ira profiling ha mga ine agud nga matudlok an nagpapaluyo han nasabi nga pangawat.
via | Bombo Juvelyn Rancodo
