TACLOBAN CITY – Padayon nga naato an delegasyon han Tacloban City ha nagpapadayon nga Eastern Visayas Regional Athletic Association (EVRAA) Meet 2026 ha Baybay City.
Sumala kan Department of Education Tacloban City Division Information Officer, Dr. Nilo Eder, kumpara han nakalabay nga duha katuig in mas maupay an standing ngan kondisyon han delegasyon yana nga EVRAA 2026.
Dida manggud han nakalabay nga tuig in nakakuha la hin 20 nga gold an delegasyon, kumpara yana nga tuig, kun diin ada pala ha ika-upat kaadlaw han paisan-isan in mayda na sobra 20 nga gold an Tacloban Phoenix.
Nanawagan gihapon ini ha mga kag-anak nga dire mabaraka ha ira mga atleta mahitungod nga maupay an kabutang han mga ini.
Ha lain nga bahin, nangunguna naman an Siglaro Elites han Ormoc City.
