METRO MANILA – Ginayat ni Defense Sec. Gilberto Teodora Jr., an grupo han mga retirado nga militar nga magsumite hin pormal nga reklamo kun may ebidensya an mga ini ha ginplaplano nga kudeta han “Third Force” kontra ha presente nga administrasyon.
Sumala kan Teodoro, waray nakakarawat nga impormasyon an Department of National Defense ha mao nga kudeta.
Sumala pa hini, ha mga nagyayakan hini, kinahanglan isumite nira an ira affidavit ha law enforcement ngan prosecutional authorities para pormal gihapon nga maimbestigaran.
An pahayag hini ni Teodoro in kaupod han ginbuhat nga outrach program han DND ngan pandestribwer han mga fertilizer ha mga parag-uma nga maapektaran han paghitaas han presyo han krudo.
Siyahan na nga ginmalatumat ni retired General Romeo Poquiz ha iya Facebook post nga mayda “Third Force” nga karuyag magbuhat hin usa nga “Kudeta Me” kontra ha administrasyon.
