Iginduon ni FPJ Panday Bayanihan Party-list Representative Brian Poe an panginahanglan nga dayun mahimo nga balaod an House Bill No. 1187 o Right to Information Bill.
Ha pagdungog han House Committee on Appropriations, gintagan-duon gihapon ni Poe an importansya han panukala ha pagduduso han transparency ngan pagbaton ha gobyerno.
Mahuman maipasa han Senado an ira bersyon han Right to Information Bill, in nanawagan hi Poe ha mga kaupod nga magbabalaod ha Kamara nga dire karagon an higayon, labi na nga abri ha sugad ha reporma hira Presidente Ferdinand Marcos Jr. ngan House Speaker Faustino Dy III.
Pag-eksplikar ni Poe, magigin epektibo la an transparency kun mayda suprisyente nga pasilidad ngan kapas an mga ahensya nga maghatag hin impormasyon ha publiko hin malaksi ngan hapsay.
Sumala kan Congressman Poe, an kada Pilipino in mayda katungod ha tangkod, malaksi, ngan madagmit ma-akses nga impormasyon tikang ha ira gobyerno.
