NATIONAL – Nagpahimatngon hi Davao City 1st District Rep. Paolo Duterte ha posibilidad nga mautro ha 2026 national budget an daw pangawat nga natabo ha 2025 budget.
Sumala kan Duterte, nagpapabilin nga hataas an kadelekaduhan han pag-uutro han korapsyon mahitungod nga kutob yana in waray pa napre-preso nga gintutudlok nga mastermind o utak han korapsyon ha 2025 budget.
Mahitungod hini, ginduon han mambabalaud nga waray matatabo nga tunay nga reporma kun pautro-utro la an prehas nga klase han korapsyon.
Labot hini, natuo hi Duterte nga makukurian nga maibalik an pagtapud han molupyo kutob nagpapabilin waray pa napapagbaton an mga dabi ngan padayon an pan-uuboso ha pondo han nasud.
Punto pa han kongresista, kun dire man maaram maawod an mga responsable, dapat maaram hira maluoy ha molupyo ngan dire lahap mangawat ha kaban han Pilipinas.
