ORMOC CITY – Nakumpiska han mga otoridad han Ormoc City Jail Male Dormitory an kontrabando nga dahon hin tabako nga ginsulod ha condom han usa nabisita nga babaye ha iya asawa ha nasabi nga presuhan.
Sumala kan Ormoc City Jail Male Dormitoy Jail Warden, JSInsp. Jimmy Topia, napansin nira nga dida han tipasulod pala an babaye ha bisinidad han presohan in dire nahihimutang ha iya pwesto.
Dida han nagdudumara na han body inspection pinaagi han Strip Search in nakapkapan han Jail Guard an nabukol nga butang ha may pribado nga parte han babaye kun diin dida han pagkitaa hine in nakuha haiya an purluminos 20 kabug-os han dried tabacco leaves nga gintunga-tunga ngan ginrolyo nga ginsulod ha condom.
Mag-aatubang naman an nasabi nga bisita ha sirot haa pagtalapas han City Ordinance 071 nga nagbabawal ha paggamit ngan pagsulod hin mga kontrabando ha pasilidad, sugadman in mabayad in hin P1,500 kumo penalidad–naka-banned la naman anay an nasabi nga babaye ha visitor privilege hine ha iya asawa nga PDL.
Samtang, mag-aatubang naman ha disciplinary board an PDL nga bibisitahon unta han babaye agud matagan hin kaangayan nga sirot.
Nagpahinumdom naman hi Topia ha mga molupyo nga nagpaplano pagbisita ha presohan nga dire magprubar pagsulod hin mga kontrabando mahitungod nga mahugot an ira kampanya kontra ha mga kontrabando ha presohan. a
VC 2 TOPIA JULY17AM<<<<<<<<<<<<<<<<<<
An nagin pahayag ni Ormoc City Jail Warden, JSInsp. Jimmy Topia
==================
Haros 2M nga kantidad hiton gintutuohan nga shabu, nakumpiskar han mga otoridad ha Ormoc City
TACLOBAN CITY- Arestado an usa nga lalaki ha gindumara nga drug buy-bust operation ha Ormoc City.
Ginkilala an suspek kan alyas Jay, ngan Geralyn parehas 31- anyos ngan mga residente han Merida Leyte.
Sumala kan PCpt Ramil Caldona, Station Commander Ormoc Police Station 1, nakumpirkar ha posisyon han mga ine an 5 ka sachet han gintutuohan nga shabu, nga may kalakip an 45 nga calibre kalakip an 2 nga magazine, ngan 3 nga ammunition.
Ha pagkayana, kapot na an mga ine hiton mga otoridad, ngan papasakahan hin kaso nga pagtalapas ha RA 9165 o Comprehensive Dangerous Drugs Act of 2002, ngan
RA 10591, An act providing for comprehensive law on firearms an ammunition an providing penalties for violations.
VC 3 CALDONA JULY17AM<<<<<<<<<<
An kaparte han pamahayag ni PCpt Ramil Caldona, Station Commander Ormoc Police Station 1
================================
Pagkakamay-ada hin SHS diploma han mga PDLs, iginduduso han Leyte Provincial Jail
TACLOBAN CITY – Gin anunsyo han Leyte Provincial Jail nga “for approval” na an hangyo han ira buhatan ha Department of Education nga magkamay-ada hin Senior High School diploma an mga Person’s Deprived of Liberty ha ilarom han Barayong National High School.
Ginkikita naman nga pamaagi han pagtutdo ha mga PDL an modular learning method mahitungod nga delikado kun papagawson o igtitimpo an mga ine ha face-to-face nga klase.
Sumala kan Leyte Provincial Jail Warden PLt. Col. Joselito Villas, panuyuan han nasabi nga pitad in matagan hin paglaum an mga preso agud ha oras nga makagawas na mga ine ha presohan ine magamit nira ha kuminidad an mga hibaro nga ira na-adman ha pag-iskuyla.
Dugang pa hine, dire la hiunong han edukasyon an panuyuan han ira buhatan ha nasabi nga programa kundi hasta gihapon an ispirituwal nga aspeto han mga PDLs, sugadman an paghatag han Good Conduct Time Allowance (GCTA) agud maibanan an sentensya han mga ine pinaagi han pagkuha hin mga sertipiko nga magpapamatuod nga nag-gradwar hira ha pag-iskuyla.
Malipayon naman nga ginpahibaro ni Villaa nga ada na ha 28 nga mga PDLs an kwalipikdo nga mag-gradwar yana nga School Year.
Samtang, nanawagan naman hi Villas ha mga PDLs nga tagan hin panahon ngan oras an mag-upay nga mga butang nga waray nira kabuhat dida han libre pa an mga ine.
VC 4 VILLAS<<<<<<<<<<<<<<<<
An nagin pahayag ni Leyte Provincial Jail Warden PLt. Col. Joselito Villas
==================
Iba pa nga lawas nga daw ginlabog gihapon ha Taal Lake, posible nga may koneksyon ha ‘War on Drugs’ – SOJ Remulla
NATIONAL – Iginbuyagyag han Department of Justice nga posible mayda pa iba nga lawas nga iginlabog gihapon ha iba pa nga parte han Taal Lake nga may koneksyon ha iba pa nga kaso labot pa ha mga nawawara nga sabungero.
Kun diin iginpaangbit mismo ni Justice Secretary Jesus Crispin Remulla nga mayda na hira impormasyon yana nga ginkikita nga pira daw ha mga lawas in posible nga maypaghisumpay ha ‘war on drugs’.
Labot manggud ha ground zero han gindudumara nga ‘search and retrieval operations’ ha Taal Lake, sumala kan Remulla, mayda pa iba nga fish pond an iginkokonsidera nga ginlabugan gihapon han mga lawas.
Sanglit, iya pa ginpahayag nga ira ine gin iimbestigahan mahitungod nga an pagkakadiskubre hine in iba pa ha imbestigasyon nga gindudumara kasumpay ha pagkawara han mga sabungero.
Samtang, kasumpay naman hine iginpaangbit pa ni Justice Secretary Remulla nga iya nga igin mando an pagpa-ukab han mga lawas ha Batangas agud maipailarom ha panginano.
Duon pa hine,ine in agud maimbestigahan ine mahitungod nga waray pamilya o paryente an kumuha ha mga lawas nga nadiskubre dida pa han 2020.
Labot daw manggud ha mga nawawara nga sabungeros in karuyag gihapon niya matagan gin pagklaro an pira pa nga kaso han ‘disappearances’ kaupod an tulo nga laws nga iya na igin paukab.
==================
PNP, utro nga nagdumara hin simex hin 5 minute response time
NATIONAL –Nagdumara utro hin demo o simex an Philippine National Police ha pangunguna ni PNP Chief PGen. Nicolas Torre III kaupod hi Department of Interior and Local Government (DILG) Secretary Jonvic Remulla kakulop nga adlaw ha mismo PNP Command Center.
Pira ha mga natestingan nga lugar nga kadtuan ha nagin simex in an Barangay Sta. Cruz, ha Mexico, Pampanga, Barangay Talon Singko ha Las Piñas City ngan Davao Oriental.
An nagin simex in kasumpay la gihapon ha plano han National Police ngan DILG nga himuon nga unified an pagpapatuman han 911 emergency hotline.
Labot ha mga police emergencies in pwede na gihapon tumawag ha 911 kun mayda mga emergency kasumpay ha health issues sugad han mental health, trapiko, ngan mga krimen nga nahitatabo ha sulod han balay o ha kumunidad.
Samtang, ginlalauman naman nga magigin fully operational na an unifoed system han 911 emergency hotline ha ikaduha kasemana han Agosto yana nga tuig.
