Ha pangunguna ni Jose Apollo Y. Pacamalan, Regional Executive Director han Department of Agriculture – Regional Field Office 10 (DA-RFO 10), nanhatag an Department of Agriculture hin bulig ha mga parag uma han Valencia City ngan mga bungto han San Fernando, Dangcagan, Damulog, Don Carlos ngan Kadingilan ha probinsya han Bukidnon. Sobra 3,097 nga parag uma an nakakarawat han fuel assistance nga nagkakanrtidad hin P9.291 milyon tikang han Mayo 20-24.
Gin pangunahan han Regional Agricultural Engineering Division (RAED) an distribusyon han bulig nga may panuyo nga suportahan an mga parag uma nga nakikiusa ha pagmekanisa han ira mga operasyon pinaagi han magkaduru-dialin nga kagamitan nga pan agrikultura agud pakusgon an resistensya han mga parag uma ngan ibanan an epekto han paghitaas han presyo han krudo ha ira production cost.
An nasabi nga inisyatibo in tugma gihapon ha three-year plan han sekretarya han DA nga pagmekanisa ngan pagmodernisa han mga agriculture and fishery production systems agud pahitas-an an produksyon ha agrikultura, pahabub-an an presyo han pagkaon, siguradugon an food security, ngan himuon nga bankable investment alternative an pag-uuma ngan pangingisda.
An mga fuel discount card in naipanhatag ha 1,230 nga parag-uma ha Valencia City, 503 ha San Fernando, 742 ha Dangcagan, 110 ha Damulog, 106 ha Don Carlos, ngan 406 ha Kadingilan. An kada parag-uma nga beneficiary in makakakarawat hin P3,000, basta enrolled ha Registry System for Basic Sectors in Agriculture (RSBSA).
